Sommersondag: Plantevandring Bø museum

Nyttevekstsakkyndig Iselin Coward tar oss med på plantevandring ved Bø museum.
Plantevandringa vil hovudsakleg fokusere på vekster ein kan bruke i mat eller til andre formål. Forfedrene våre var kreative, dei har brukt planter til mykje forskjellig. På bildet ser me karve, Carum carvi, som også har blitt kalla krydd. Det var ei av dei første krydderplantene som blei bruka her til lands, og i dag blir ho blant anna bruka til å smaksette surkål til jul.
Iselin er oppteken av både dyrking og sanking, ho studerer økologi ved USN, og ho er også engasjert i hagelag, sopp- og nyttevekstforening. Ho ønsker å leve i eit samfunn der me omgir oss med eit stort mangfald av liv. Målet hennar med ei slik plantevandring, er at dei som deltek, får eit skarpare blikk for alt smått og stort som finst i naturen.
Frammøte ved Åheim. Vanleg museumsbillett gjeld (kr. 100,-)

Vis i kart